COVID- 19

ჯანდაცვის სამინისტროს განცხადებასთან სრული შესაბამისობით, გვსურს გაგიზიაროთ ინფორმაცია და რჩევები, რომლებიც დაგეხმარება კორონავირუსის გავრცელების რისკის შემცირებაში. ვირუსის გადაცემის გზებისა და სიმპტომების შესახებ დამატებითი ინფორმაციისთვის, შეგიძლია ეწვიო ჯანდაცვის სამინისტროს შესაბამის გვერდს

დააჭირე აქ.

მოცემულ სტატიაში იხილავ სასარგებლო რჩევებს, რომლებიც დაგეხმარება შენი და შენს გარშემო მყოფი ადამიანებისათვის რისკის შემცირებაში.

პრევენცია

ინფექციის რისკის თავიდან ასარიდებლად, გირჩევთ მიიღო გარკვეული ზომები, როდესაც საქმე შენი და სხვების დაცვას ეხება.

დაიცავით საკუთარი თავი
ხშირად დაიბანე ხელები საპნითა და წყლით ან ალკოჰოლის შემცველი საშუალებებით. ყოველთვის დაიბანე ხელები შეკვეთის აღებამდე და მიტანის შემდეგ.
ზურგჩანთის ჰიგიენას დაუთმე განსაკუთრებული ყურადღება. გირჩევთ ყოველდღიურად გარეცხო იგი სპეციალური სადეზინფექციო საშუალებებით.
დაიცავი დისტანცია სხვა ადამიანებისგან, განსაკუთრებით იმ შემთხვევაში, თუ ახველებენ, აცემინებენ ან აქვთ სიცხე, რადგან ვირუსს შეიცავს ნერწყვის ნაწილაკები, რომლებიც შეიძლება შეისუნთქო ახლო დისტანციაში ყოფნისას.
მოერიდე თვალებზე, ცხვირსა და პირზე ხელებით შეხებას.
თუ ახველებ, გაქვს სიცხე ან სუნთქვის უკმარისობა ან ბოლო დროს ჩინეთში იყავი ან ახლო კონტაქტში ისეთ ადამიანთან, რომელიც ჩინეთიდან ახალი დაბრუნებულია და სასუნთქი გზების გართულებები აქვს, დაუკავშირდი ჯანდაცვის სამინისტროს. გახსოვდეს, რომ სასუნთქი გზების დაავადებების სხვადასხვა მიზეზები არსებობს და ახალი კორონავირუსი შეიძლება ერთ-ერთი მათგანი იყოს.
თუ აღგენიშნება მსუბუქი სიმპტომები ან არ ხარ ჩინეთში ნამყოფი, გაესინჯე სამედიცინო სპეციალისტს და მიხედე პირად ჰიგიენას, მათ შორის ხელებს (ხშირად დაიბანე ხელები საპნით და წყლით ან ალკოჰოლის შემცველი საშუალებებით), სასუნთქ გზებს (დაახველე და დააცემინე ქაღალდის ცხვირსახოცში ან მოხრილ იდაყვში, გამოიყენე პირბადე და ნახმარი ცხვირსახოცები დაუყოვნებლივ გადაყარე დახურულ სანაგვეში და დაიბანე ხელები).
სხვებზე ზრუნვა
თუ გაქვს სასუნთქი გზების ინფექცია, ცხვირ-პირი დაიფარე ხველების ან ცემინებისას (იდაყვის შიდა მხარე/ცხვირსახოცი).
თუ ერთჯერად ცხვირსახოცს იყენებ, მოხმარების შემდეგ გადააგდე.
დაიბანე ხელები დახველების/დაცემინების შემდეგ

მსოფლიო ჯანდაცვის ორგანიზაცია ნიღბის გამოყენებას გირჩევს იმ შემთხვევაში, თუ ეჭვობ, რომ კორონავირუსი შეგხვდა და გაქვს ისეთი სიმპტომები, როგორიცაა ხველა და ცემინება ან თუ უვლი ისეთ პირს, რომელსაც სავარაუდოდ აქვს კორონავირუსი (ახალი ნამოგზაურებია ჩინეთში და აქვს სასუნთქ გზებთან დაკავშირებული სიმპტომები). აღნიშნულ შემთხვევაში დაუკავშირდი ჯანდაცვის სამინისტროს. ნიღბის გამოყენებას შეუძლია ვირუსის გავრცელების შემცირება, მაგრამ სასუნთქი გზებისა და ხელების ჰიგიენის დაცვა აუცილებელია. რამდენიმე ნიღბის ტარება ერთდროულად არ არის ეფექტური.

სიტუაცია მუდმივად ვითარდება და შესაბამისად, ჩვენ მიერ მოწოდებული ინფორმაცია მოცემულ მომენტში უახლესია. გირჩევთ, რომ ყოველთვის მიყვე შესაბამისი უწყებების მიერ გამოცემულ ინსტრუქციებს და დაიცვა ზემოთ ჩამოთვლილი ჰიგიენის წესები.